အစည်းအဝေး/ဆွေးနွေးပွဲ ကျင်းပမှုများ

နတ်မောက်မြို့၌လူငယ်စကားဝိုင်းကျင်းပပြုလုပ် နတ်မောက် သြဂုတ် မကွေးတိုင်းဒေသကြီးနတ်မောက်မြို့၌ကျောင်းသား/သူ များပညာဗဟုသုတများပြည့်စုံကြွယ်ဝပြီး ကာယ၊ဥာဏ၊စာရိတ္တ၊မိတ္တ၊ဘောဂစသည့်ဗလငါးတန်ဘက်စုံဖွံ့ဖြိုးတိုးတက်စေရန်ရည်ရွယ်၍မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်အခြေခံပညာဦးစီးဌာနတို့ပူးပေါင်း၍လူငယ်စကား ဝိုင်းကိုယမန်နေ့နံနက်၁၀ နာရီအချိန်ကအခြေခံပညာအထက်တန်းကျောင်း( အောင်ဆန်း)တွင်ကျင်းပ ပြုလုပ်ခဲ့သည်။ အခမ်းအနားတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကလူ ငယ်စကားဝိုင်းကျင်းပပြုလုပ်ရခြင်း၏ရည်ရွယ်ချက်အားရှင်းလင်းပြောကြားခဲ့သည်။ထို့နောက်လူ ငယ်စကားဝိုင်းတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဒေါ်သိမ့်သိမ့်မိုး( ဦးစီးအရာရှိ-တွဲဖက်)မှဦးဆောင်ဆွေးနွေးသူအဖြစ်ဆောင်ရွက်ခဲ့ပြီးလူငယ်နှင့်ယဥ်ကျေးမှုခေါင်းစဥ်ဖြင့်Grade-11 (အ.ထ.က- ၁)မလှဝေကြည်ကလည်းကောင်း၊လူငယ်နှင့်စာဖတ်ခြင်းခေါင်းစဥ်ဖြင့်Grade-9(အ.လ.က -တမာပင်)မောင်အံ့ဘုန်းသုရှင်မင်းကလည်းကောင်း၊လူငယ်နှင့်စာရိတ္တခေါင်းစဥ်ဖြင့်Grade-11(အ.ထ. က- ၂)မချမ်းအေးအိမ်ကလည်းကောင်း၊လူငယ်နှင့်အားကစားခေါင်းစဥ်ဖြင့်Grade-12(အ.ထ.က- အောင်ဆန်း)မနွေးမြတ်နိုးခင်ကလည်းကောင်းအသီးသီးပါဝင်ဆွေးနွေးခဲ့ကြပြီးတက်ရောက်လာကြ သည့်ကျောင်းသား/သူ များကသိရှိလိုသည်များကိုမေးမြန်းခဲ့ရာဦးဆောင်ဆွေးနွေးသူမှပြန်လည်ဖြေ ကြားခဲ့သည်။ထို့နောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိဝန်ထမ်းများကပြသထားသည့်နံရံကပ်စာစောင်များကိုပြသခဲ့ရာကျောင်းသား/သူ များမှစိတ်ပါဝင်စားစွာကြည့်ရှုခဲ့ကြ ကြောင်းသိရသည်။  

နတ်မောက်မြို့နယ်တိုင်းရင်းဆေးကုဌာနကွင်းဆင်းဆေးကုသရေးအဖွဲ့မှကျောင်းသား/သူ များအား ကျန်းမာရေးကုသစောင့်ရှောက်ပေး နတ်မောက် ဇူလိုင် ၂၈ မကွေးတိုင်းဒေသကြီးနတ်မောက်မြို့နယ်မိခင်နှင့်ကလေးစောင့်ရှောက်ရေးအသင်းနှင့်တိုင်းရင်းဆေး ကုဌာနတို့ပူးပေါင်း၍ကျန်းမာရေးကုသစောင့်ရှောက်ပေးခဲ့ရာယမန်နေ့နံနက်၁၀ နာရီအချိန်ကလူထုအ ခြေပြုဗဟိုဌာန(Community Centre)ခန်းမတွင်ပြုလုပ်ခဲ့သည်။ ထိုသို့ကျန်းမာရေးစောင့်ရှောက်မှုပေးရာတွင်မြို့နယ်တိုင်းရင်းဆေးကုဌာနလက်ထောက်တိုင်းရင်းဆေး မှူးဒေါ်ညိုယဥ်နွဲ့ကအမှတ်( ၁)အခြေခံပညာအထက်တန်းကျောင်းရှိကျောင်းသား/သူ များအားသွေး ပေါင်ချိန်ခြင်း၊နှာစေး၊ချောင်းဆိုးခြင်း၊အစာမကြေခြင်းတို့ကိုတိုင်းရင်းဆေးဝါးများဖြစ်သည့်သောက် ဆေးပေးခြင်း၊လိမ်းဆေးပေးခြင်းများကိုကျောင်းသား/သူ( ၇၀)ဦးကုသပေးခဲ့ကြောင်းသိရသည်။ နတ်မောက်မြို့နယ်တိုင်းရင်းဆေးကုဌာနကွင်းဆင်းဆေးကုသရေးအဖွဲ့ဝန်ထမ်းများကမြို့ပေါ်ရှိအခြေ ခံပညာကျောင်းများသို့လစဥ်နယ်လှည့်ကွင်းဆင်းကုသပေးလျက်ရှိကြောင်းသိရသည်။    

နတ်မောက်မြို့၌စာဖတ်ရှိန်မြှင့်တင်ရေးလုပ်ငန်းညှိနိုင်းအစည်းအဝေးပြုလုပ် နတ်မောက် ဇူလိုင် ၁၀ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်အခြေခံပညာဦးစီးဌာနတို့ပူးပေါင်း၍စာဖတ်ရှန်မြှင့်တင်ရေးလုပ်ငန်းညှိနိုင်းအစည်းအဝေးကိုယမန်နေ့နေ့လယ် ၂နာရီအချိန်ကလူထုအခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့သည်။ အဆိုပါအစည်းအဝေးတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိ ဒေါ်ဥမ္မာခင်က( ၇၉)နှစ်မြောက်အာဇာနည်နေ့အထိမ်းအမှတ်အကြိုစာစီစာကုံး၊ပန်းချီ၊ပုံပြင်ပြောပြိုင် ပွဲများပြုလုပ်နိုင်ရေးနှင့်ဆုချီးမြှင့်ပွဲပြုလုပ်နိုင်ရေးစသည့်အကြောင်းအရာများကိုရှင်းလင်းပြောကြား ခဲ့သည်။ထို့နောက်တက်ရောက်လာကြသည့်ဆရာကြီး၊ဆရာမကြီးများကပြိုင်ပွဲများပြုလုပ်နိုင်ရေးမိမိတို့ ကျောင်းများရှိကျောင်းသား/သူ များပြိုင်ပွဲတွင်ဝင်ရောက်ယှဥ်ပြိုင်ကြရန်၊အလယ်တန်းအဆင့်၊အထက် တန်းအဆင့်ကျောင်းသား/သူ များကို( ၁၃)ရက်နေ့မှစတင်၍( ၁၆)ရက်နေ့အထိပြိုင်ပွဲများပြုလုပ်မည် ဖြစ်ပြီး( ၁၇)ရက်နေ့တွင်ဆုများချီးမြှင့်ပွဲပြုလုပ်မည်ဖြစ်ကြောင်းတက်ရောက်လာကြသည့်ဆရာကြီး၊ ဆရာမကြီးများကချပြဆွေးနွေးခဲ့ကြကြောင်းသိရသည်။  

နတ်မောက်မြို့၌စာဖတ်ရှိန်မြှင့်တင်ရေးလုပ်ငန်းညှိနိုင်းအစည်းအဝေးပြုလုပ် နတ်မောက် ဇွန် ၇ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပညာရေးဌာ နတို့ပူးပေါင်း၍စာဖတ်ရှိန်မြှင့်တင်ရေးလုပ်ငန်းညှိနိုင်းအစည်းအဝေးကိုယမန်နေ့နံနက်၁၀ နာရီအချိန် ကလူထုအခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့သည်။ ရှေးဦးစွာမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကမိမိတို့ဌာနအ နေဖြင့်ပြည်သူများနှင့်ကျောင်းသားလူငယ်များစာပေနှင့်အလှမ်းမဝေးစေရန်စာကြည့်တိုက်ဝန်ဆောင် မှုလုပ်ငန်းများဆောင်ရွက်နေမှု၊နယ်လှည့်စာကြည့်တိုက်မော်တော်ယာဥ်ဖြင့်ကျောင်းများသို့ကွင်းဆင်း စာအုပ်စာစောင်ငှားရမ်းပေးနေမှုအကြောင်းအရာများနှင့်ဇွန်လ၂၆ရက်နေ့အပြည်ပြည်ဆိုင်ရာမူးယစ် ဆေးဝါးအလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေးနေ့အတွက်ပန်းချီ၊စာစီစာကုံး၊ပုံပြင်ပြော၊ကျပန်းစသည့်ပြိုင်ပွဲများပြုလုပ်မည်ဖြစ်၍ကျောင်းများရှိကျောင်းသား/သူ များဝင်ရောက်ယှဥ်ပြိုင်ကြ ရန်ရှင်းလင်းပြောကြားခဲ့သည်။ထို့နောက်တက်ရောက်လာကြသည့်ဆရာ/မ များကမိမိတို့ကျောင်းများ ရှိကျောင်းသား/သူ များဝင်ရောက်ယှဥ်ပြိုင်နိုင်ရေးဆွေးနွေးပြောကြားခဲ့ပြီးပြိုင်ပွဲများအားဇွန်လ၁၅၊ ၁၆၊၁၇ရက်နှင့်၂၃ရက်၂၄ရက်များတွင်ပြိုင်ပွဲများကျင်းပပြုလုပ်သွားမည်ဖြစ်ကြောင်းသိရသည်။