လှုပ်ရှားမှုများ

နတ်မောက်မြို့၌စာဖတ်ရှိန်မြှင့်တင်ရေးလုပ်ငန်းညှိနိုင်းအစည်းအဝေးပြုလုပ် နတ်မောက် ဇွန် ၇ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပညာရေးဌာ နတို့ပူးပေါင်း၍စာဖတ်ရှိန်မြှင့်တင်ရေးလုပ်ငန်းညှိနိုင်းအစည်းအဝေးကိုယမန်နေ့နံနက်၁၀ နာရီအချိန် ကလူထုအခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့သည်။ ရှေးဦးစွာမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကမိမိတို့ဌာနအ နေဖြင့်ပြည်သူများနှင့်ကျောင်းသားလူငယ်များစာပေနှင့်အလှမ်းမဝေးစေရန်စာကြည့်တိုက်ဝန်ဆောင် မှုလုပ်ငန်းများဆောင်ရွက်နေမှု၊နယ်လှည့်စာကြည့်တိုက်မော်တော်ယာဥ်ဖြင့်ကျောင်းများသို့ကွင်းဆင်း စာအုပ်စာစောင်ငှားရမ်းပေးနေမှုအကြောင်းအရာများနှင့်ဇွန်လ၂၆ရက်နေ့အပြည်ပြည်ဆိုင်ရာမူးယစ် ဆေးဝါးအလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေးနေ့အတွက်ပန်းချီ၊စာစီစာကုံး၊ပုံပြင်ပြော၊ကျပန်းစသည့်ပြိုင်ပွဲများပြုလုပ်မည်ဖြစ်၍ကျောင်းများရှိကျောင်းသား/သူ များဝင်ရောက်ယှဥ်ပြိုင်ကြ ရန်ရှင်းလင်းပြောကြားခဲ့သည်။ထို့နောက်တက်ရောက်လာကြသည့်ဆရာ/မ များကမိမိတို့ကျောင်းများ ရှိကျောင်းသား/သူ များဝင်ရောက်ယှဥ်ပြိုင်နိုင်ရေးဆွေးနွေးပြောကြားခဲ့ပြီးပြိုင်ပွဲများအားဇွန်လ၁၅၊ ၁၆၊၁၇ရက်နှင့်၂၃ရက်၂၄ရက်များတွင်ပြိုင်ပွဲများကျင်းပပြုလုပ်သွားမည်ဖြစ်ကြောင်းသိရသည်။    

နတ်မောက်မြို့လူထုအခြေပြုဗဟိုဌာန(Community Centre)တွင်စာပေဝါသနာရှင်Book Clubအဖွဲ့ဝင် များဖြင့်ပူးပေါင်း၍စာဖတ်ဝိုင်းပြုလုပ် နတ်မောက် ဇွန် ၅ မကွေးတိုင်းဒေသကြီးနတ်မောက်မြို့နယ်၌စာအုပ်စာစောင်ချစ်မြတ်နိုးသူ၊စာပေဝါသနာရှင် Book Clubအဖွဲ့ဝင်များနှင့်ပူးပေါင်း၍စာရေးဆရာဒေါက်တာခင်မောင်ညိုရေးသားသည့် “လူငယ်နှင့်အ ကောင်းဆုံးသောဘဝကိုတည်ဆောက်ခြင်း”စာအုပ်ဖြင့်စာဖတ်ဝိုင်းပြုလုပ်ခြင်းကိုယနေ့နံနက်၉နာရီ ခွဲအချိန်ကနတ်မောက်မြို့လူထုအခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့ သည်။ အဆိုပါစာဖတ်ဝိုင်းတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဒေါ်ဥမ္မာခင်ကစာအုပ်တစ် အုပ်ရဲ့အပေါ်မှာတစ်ဦးနှင့်တစ်ဦးမတူညီတဲ့အတွေးအမြင်သစ်တွေ၊စာအုပ်မှရရှိသောအသိပညာဗဟု သုတတွေကိုတစ်ဦးနှင့်တစ်ဦးမျှဝေနိုင်ရန်နှင့်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရှိစာကြည့် တိုက်နှင့်ရင်းနှီးကျွမ်းဝင်မှုပိုမိုရရှိကာစာအုပ်စာပေကောင်းများလေ့လာရှာမှီးတတ်စေရန်ရည်ရွယ်၍စာ ပေဝါသနာရှင်Book Clubအဖွဲ့ဝင်များဖြင့်ပူးပေါင်းကာစာဖတ်ဝိုင်းကျင်းပပြုလုပ်ရခြင်းဖြစ်ကြောင်း ရှင်းလင်းပြောကြားခဲ့သည်။ ဆက်လက်၍စာပေဝါသနာရှင်Book Clubအဖွဲ့ဝင်တစ်ဦးကစာရေးဆရာဒေါက်တာခင်မောင်ညိုရေး သားသည့် “လူငယ်နှင့်အကောင်းဆုံးသောဘဝကိုတည်ဆောက်ခြင်း”စာအုပ်ထဲမှပညာရေးအစ..စာ အုပ်များဖြင့်အစပြုပါခေါင်းစဥ်ဖြင့်ဖတ်ကြား၍ရှင်းလင်းဆွေးနွေးခဲ့ရာမြို့နယ်ပြန်ကြားရေးနှင့်ပြည်သူ့ ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကပြန်လည်ဖြည့်စွက်ဆွေးနွေးပေးခဲ့ကြောင်းသိရသည်။အဆိုပါ စာဖတ်ဝိုင်းဆွေးနွေးပွဲသို့ မြို့နယ်ပြန်ကြားရေးနှင့်ပြန်ကြားရေးနှင့်ပြည်သူ့…

နတ်မောက်မြို့၌စာပေချစ်မြတ်နိုးသူ ၊ စာပေဝါသနာရှင်များ၊ Book Clubအဖွဲ့ဝင်များဖြင့်ပူးပေါင်း၍ စာဖတ်ဝိုင်းကျင်းပ နတ်မောက် ဇွန် ၂ မကွေးတိုင်းဒေသကြီး ၊နတ်မောက်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စာပေချစ်မြတ်နိုးသူ ၊စာပေဝါသနာရှင်များ၊ Book Club အဖွဲ့ဝင်တို့ပူးပေါင်း၍ စာရေးဆရာမောင်ခင်မင်(ဓနုဖြူ)ရေးသားသည့် အမွေခံ တစ်ယောက် အမွေပေးသူတစ်ရာ စာအုပ်ဖြင့် စာဖတ်ဝိုင်းကို ယနေ့နံနက် ၉ နာရီအချိန်က လူထုအခြေပြုဗဟိုဌာန Community Centreဘက်စုံသုံးခန်းမတွင် ကျင်းပခဲ့သည်။…

နတ်မောက်မြို့လူထုအခြေပြုဗဟိုဌာန(Community Centre)တွင်စာဖတ်ရှိန်မြှင့်တင်ရေးကဗျာရွတ်ဆို ပြိုင်ပွဲကျင်းပ နတ်မောက် မေ ၂၅ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ကျောင်း သား/သူ များပူးပေါင်း၍စာဖတ်ရှိန်မြှင့်တင်ရေးကဗျာရွတ်ဆိုပြိုင်ပွဲကိုယနေ့နံနက်၉နာရီအချိန်ကလူထု အခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့သည်။ ရှေးဦးစွာမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကကျောင်း သား/သူလူငယ်များအနေဖြင့်ကာယ၊ဥာဏ၊စာရိတ္တ၊မိတ္တ၊သုခဆိုသည့်ဗလငါးတန်ဖွံ့ဖြိုးတိုးတက်စေရန်၊စာကြည့်တိုက်နှင့်ရင်းနှီးကျွမ်းဝင်မှုရှိစေရန်နှင့်နွေရာသီကျောင်းပိတ်ရက်များကိုအကျိုးရှိစွာအသုံးချ တက်စေရန်အတွက်ယခုကဲ့သို့ပြိုင်ပွဲများကျင်းပပြုလုပ်ရခြင်းဖြစ်ကြောင်းရှင်းလင်းပြောကြားခဲ့သည်။ ထို့နောက်ပြိုင်ပွဲကိုကျင်းပခဲ့ရာကျောင်းသား/သူလေးများကမိမိတို့ဖတ်ရှုလေ့လာထားသည့်မိဘကျေးဇူး၊ကြာဆစ်ကြိုး၊ပိုးတုံးလုံးနှင့်ပန်းသည်စသည့်ကဗျာများဖြင့်ကိုယ်ဟန်အမှုအရာနှုတ်မှုစွမ်းရည်များ ဖြင့်စိတ်ဝင်စားဖွယ်ယှဥ်ပြိုင်ခဲ့ကြသည်။အဆိုပါပြိုင်ပွဲတွင်ဆုရရှိသည့်ကလေးငယ်များအားမြို့နယ်ပြန် ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိကဆုများကိုချီးမြှင့်ပေးခဲ့ကြောင်းသိရသည်။

နတ်မောက်မြို့၌စာဖတ်ရှိန်မြှင့်တင်ရေးလူငယ်ရေးရာအသိပညာပေးဟောပြောပွဲပြုလုပ် နတ်မောက် မေ ၂၂ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနကစာဖတ်ရှိန် မြှင့်တင်ရေးလူငယ်ရေးရာအသိပညာပေးဟောပြောပွဲကိုယမန်နေ့နေ့လယ်ပိုင်းအချိန်ကစျေးရပ်ကွက် ရှိပညာနန်တော်ဘော်ဒါကျောင်းဆောင်တွင်ပြုလုပ်ခဲ့သည်။ အဆိုပါဟောပြောပွဲတွင်ဒေါ်သိမ့်သိမ့်မိုး( တွဲဘက်ဦးစီးအရာရှိ)ကလူငယ်များအနေဖြင့်ကျောင်းသင် ခန်းစာအပြင်ပြင်ပဗဟုသုတစာပေများကိုပါအစဥ်တစိုက်ဖတ်ရှုလေ့လာကြရန်နှင့်အချိန်ကိုအကျိုးရှိ စွာအသုံးချတတ်စေရန်စာအုပ်စာစောင်များဖတ်ရှုခြင်းဖြင့်ဆင်ခြင်တုံတရားနှင့်အတွေးအခေါ်မှန်ကန် စေရေး၊လူငယ်များခေတ်မီနည်းပညာများကိုအကောင်းမြင်စိတ်ဖြင့်စနစ်တကျအသုံးပြုတတ်စေရေး နှင့်မူးယစ်ဆေးဝါးအန္တရာယ်သတိပြုရှောင်ရှားကြရန်စသည့်အကြောင်းအရာများကိုအသိပညာပေး ဟောပြောဆွေးနွေးခဲ့သည်။ထို့နောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဝန်ထမ်းများကပြသထားသည့်လူငယ်ရေးရာအသိပညာပေးနံရံကပ်စာစောင်များကိုကျောင်းသား/သူ များက စိတ်ပါဝင်စားစွာကြည့်ရှုလေ့လာခဲ့ကြကြောင်းသိရသည်။

နတ်မောက်မြို့၌စာဖတ်ရှိန်မြှင့်တင်ရေးပုံပြင်ပြောပြိုင်ပွဲကျင်းပ နတ်မောက် မေ ၂၁ မကွေးတိုင်းဒေသကြီးနတ်မောက်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ကျောင်း သား/သူ များဖြင့်ပူးပေါင်း၍စာဖတ်ရှိန်မြှင့်တင်ရေးပုံပြင်ပြောပြိုင်ပွဲကိုယနေ့နံနက်၁၀ နာရီအချိန်ကလူထု အခြေပြုဗဟိုဌာန(Community Centre)ခန်းမတွင်ကျင်းပပြုလုပ်ခဲ့သည်။ ရှေးဦးစွာမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်ဥမ္မာခင်ကကျောင်းသား/သူလူငယ်များအနေဖြင့်ကာယ၊ဥာဏ၊စာရိတ္တ၊မိတ္တ၊သုခဆိုသည့်ဗလငါးတန်ဖွံ့ဖြိုးတိုးတက်စေရန်၊စာကြည့်တိုက်နှင့်ရင်းနှီးကျွမ်းဝင်မှုရှိစေရန်နှင့်နွေရာသီကျောင်းပိတ်ရက်များကိုအကျိုးရှိစွာအသုံးချ တတ်စေရန်အတွက်ယခုကဲ့သို့ပြိုင်ပွဲများကျင်းပပြုလုပ်ရခြင်းဖြစ်ကြောင်းရှင်းလင်းပြောကြားခဲ့သည်။ ထို့နောက်ပြိုင်ပွဲကိုကျင်းပခဲ့ရာကျောင်းသား/သူလေးများကမိမိတို့ဖတ်ရှုလေ့လာထားသည် “သူငယ်ချင်းကောင်း၊ညီညွတ်ကြပါစို့”ခေါင်းစဥ်ပါပုံပြင်များကိုကိုယ်ဟန်အမူအရာနှုတ်မှုစွမ်းရည်များ ဖြင့်စိတ်ဝင်စားဖွယ်ယှဥ်ပြိုင်ခဲ့ကြသည်။အဆိုပါပြိုင်ပွဲတွင်ဆုရရှိသည့်ကလေးငယ်များအားမြို့နယ်ပြန် ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိကဆုများကိုချီးမြှင့်ပေးခဲ့ကြောင်းသိရသည်။

နတ်မောက်မြို့နယ်စိုက်ပျိုးရေးဦးဌာနမှဆီထွက်သီးနှံ( မြေပဲ၊နှမ်း၊နေကြာ)အထွက်နှုန်းတိုးတက်ရေး စိုက်ပျိုးနည်းပညာနှင့်သဘာဝမြေသြဇာအမျိုးမျိုးပြုလုပ်သုံးစွဲရေးနည်းပညာပေးသင်တန်းဖွင့်လှစ် နတ်မောက် မေ ၁၉ မကွေးတိုင်းဒေသကြီးနတ်မောက်မြို့နယ်စိုက်ပျိုးရေးဦးဌာနမှကြီးမှူး၍ဆီထွက်သီးနှံ( မြေပဲ၊နှမ်း၊ နေကြာ) အထွက်နှုန်းတိုးတက်ရေးစိုက်ပျိုးနည်းပညာနှင့်သဘာဝမြေသြဇာအမျိုးမျိုးပြုလုပ်သုံးစွဲရေး နည်းပညာပေးသင်တန်းဖွင့်လှစ်ခြင်းကိုယမန်နေ့နံနက်ပိုင်းကနတ်မောက်မြို့နယ်လူထုအခြေပြုဗဟိုဌာ န(Community Centre)ဘက်စုံသုံးခန်းမတွင်ကျင်းပပြုလုပ်ခဲ့သည်။ ရှေးဦးစွာမြို့နယ်စိုက်ပျိုးရေးဦးစီးဌာနမြို့နယ်ဦးစီးမှူးဒေါ်မြင့်မြင့်ချိုကဒေသအတွင်းဆီဖူလုံမှုရှိစေရန် အတွက်ဆီထွက်သီးနှံဖြစ်သောမြေပဲ၊နှမ်း၊နေကြာသီးနှံများကိုပန်းတိုင်အထွက်နှုန်းရရှိအောင်စနစ်တ ကျစိုက်ပျိုးကြရန်လိုအပ်ကြောင်း၊ဓာတုမြေသြဇာသုံးစွဲမှုကိုလျှော့ချပြီးသဘာဝမြေသြဇာများကိုကိုယ် တိုင်ပြုလုပ်သုံးစွဲခြင်းဖြင့်ကုန်ကျစရိတ်သက်သာစေမည့်အပြင်ရေရှည်တွင်မြေဆီလွှာအာဟာရကိုဖွံ့ဖြိုး တိုးတက်စေကြောင်းရှင်းလင်းပြောကြားခဲ့သည်။ထို့နောက်သင်တန်းတွင်မြို့နယ်စိုက်ပျိုးရေးဦးစီးဌာန ရှိသီးနှံအလိုက်ကျွမ်းကျင်ဝန်ထမ်းများကမြေပဲ၊နှမ်း၊နေကြာသီးနှံများအလိုက်မျိုးကောင်း၊မျိုးသန့်ရွေး ချယ်နည်း၊စိုက်စနစ်မှန်ကန်စေရေး၊ပိုးမွှားရောဂါကြိုတင်ကာကွယ်ရေးနှင့်ရိတ်သိမ်းချိန်လွန်လေလွင့် ဆုံးရှုံးမှုလျှော့ချရေးနည်းလမ်းများ၊ဒေသအတွင်းအလွယ်တကူရရှိနိုင်သောကုန်ကြမ်းများဖြင့်EMဘို ကာရှီသဘာဝမြေသြဇာပြုလုပ်နည်းစသည့်အကြောင်းအရာများကိုရှင်းလင်းပြောကြားခဲ့သည်။အဆို ပါသင်တန်းသို့မြို့နယ်အတွင်းရှိကျေးရွာအုပ်စုအသီးသီးမှဆီထွက်သီးနှံစိုက်ပျိုးကြသည့်ဒေသခံတောင် သူများကစိတ်ပါဝင်စားစွာတက်ရောက်ခဲ့ကြပြီးမြို့နယ်စိုက်ပျိုးရေးဦးစီးဌာနရှိဝန်ထမ်းများကစိုက်ပျိုး ရေးဆိုင်ရာအသိပညာပေးလက်ကမ်းစာစောင်များကိုတောင်သူများအားဖြန့်ဝေပေးခဲ့ကြကြောင်းသိ ရသည်။ o  

နတ်မောက်မြို့နယ်လူထုအခြေပြုဗဟိုဌာန၌နိုင်ငံတော်အစိုးရအဖွဲ့၏ရက်( ၁၀၀)အတွင်း( ၂၈)ကြိမ် မြောက်အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေး နေ့အထိမ်းအမှတ်ပန်းချီ၊ကာတွန်း၊ပိုစတာပြိုင်ပွဲကျင်းပ နတ်မောက် မေ ၁၆ မကွေးတိုင်းဒေသကြီးနတ်မောက်မြို့နယ်ပညာရေးမှူးရုံးကဦးဆောင်ကြီးကြပ်၌နိုင်ငံတော်အစိုးရအ ဖွဲ့၏ရက်( ၁၀၀)အတွင်း( ၂၈)ကြိမ်မြောက်အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့်တရားမ ဝင်ရောင်းဝယ်မှုတိုက်ဖျက်ရေးနေ့အထိမ်းအမှတ်ပန်းချီ၊ကာတွန်း၊ပိုစတာပြိုင်ပွဲကိုယနေ့နံနက်၉ နာရီ အချိန်ကလူထုအခြေပြုဗဟိုဌာန(Community Centre)ဘက်စုံသုံးခန်းမတွင်ကျင်းပပြုလုပ်ခဲ့သည်။ အဆိုပါပြိုင်ပွဲသို့မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌဦးဝင်းနိုင်ဦးနှင့်အဖွဲ့ဝင်များ၊မြို့နယ် ပညာရေးမှူးဒေါ်သန်းသန်းအေးနှင့်ဆရာ/မတို့က( ၂၈)ကြိမ်မြောက်အပြည်ပြည်ဆိုင်ရာမူးယစ်ဆေးဝါး အလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေးနေ့အထိမ်းအမှတ်ပန်းချီ၊ကာတွန်း၊ပိုစတာပြိုင်ပွဲ များတွင်နတ်မောက်မြို့နယ်ရှိအထက်တန်း၊အလယ်တန်းနှင့်မူလတန်းရှိကျောင်းသား/သူ( ၃၅)ဦးတို့ အားမူးယစ်ကင်းစင်တို့ပြည်တစ်ခွင်သာယာလှပအနာဂတ်ဘဝ၊လွယ်လွယ်နဲ့ရသုံးစွဲကြမူးယစ်သား ကောင်ဖြစ်နေရ၊ဝိုင်းဝန်းကာကွယ်တားဆီးမှ၊မူးယစ်ကင်းစင်-တို့ဝန်းကျင်ပျော်ရွှင်ချမ်းမြ-လုံခြုံလှ၊ နိုင်ငံ့အနာဂတ်လှပဖို့မူးယစ်ဆေးကိုအမြစ်ဖြတ်စို့၊ဗလငါးတန်ခိုင်မြဲဖို့မူးယစ်ဆေးကိုတိုက်ဖျက်စို့၊အ ဆိုးကျော့စက်ဝန်းအဆုံးသတ်ဖို့အုပ်စုဖွဲ့မှုခင်းတိုက်ဖျက်စို့ခေါင်းစဥ်များဖြင့်ယှဥ်ပြိုင်နေကြသည့် ကျောင်းသား/သူ များအားကြည့်ရှုအားပေးခဲ့ကြပြီးပြိုင်ပွဲတွင်ဆုရရှိသူများကိုမြို့နယ်ပညာရေးမှူးရုံး မှဆုများကိုအသီးသီးချီးမြှင့်ပေးသွားမည်ဖြစ်ကြောင်းသိရသည်။